好頭痛好頭痛好頭痛… 有少少發燒的感覺, 應該作病咯…

忙了幾天, 今日終於可以乖乖地坐定定寫扑扑, 這幾天好多事忙, 先要由星期一講起… 童年好友amy結婚, 我要擔任姊妹一職, 晨早0630通告直踩到零晨, 真要命! >< 其實這位朋友, 十幾廿年沒聯絡咯… 所以我完全唔識其他姊妹, 不過反而識佢親細妹細佬~

香港人真有趣, 而家咪可以唔一定去註冊處註冊, 可以上天下海行婚禮嘛, 咁好啦~ 於是一個二個並唔係去個什麼特別的地方, 而是全世界去哂一個叫伊甸園的地方註冊, 於是乎伊甸園就同註冊處少少分別都冇, 我初初仲以為會是一個party venue可以飲下香檳影下相, 點知20分鐘一個time slot, 排滿一日密麻麻! 真係同對面紅棉道無分別!

wedding

轉來轉去忙了一日, 都未休息夠, 星期二就去了ifva的community tour, 今次是東涌一間直資學校講talk, 這間學校真唔野少, 竟然有即時傳譯! 仲要係戴住headphone果隻, 因為有兩三成international學生!

到昨日, 我就去見工啦~ 早一份下晝一份, 都是我自薦去信的advertising agency, 在灣仔區, 下晝果間仲要在富德樓隔離! 個老細竟然再轉介我去佢朋友的一間head hunting公司, 估唔到去見工會有其他工作介紹! 奇!

Advertisements