一朝早起身就比人鬧, 我完全唔明咯! 我又唔係打緊工做錯事要比老闆片或者比無理客人鬧, 而我只不過係屋企搵工, 我都唔知點解要無啦啦比人鬧!

事緣沉日接到不明來歷獵頭公司電話, 叫我去見份唔知咩工, 咁我點聽都係類似financial consultant工作, 零興趣! 我話我要上網望下先, 對方堅持網上見唔到份工, 咁我話我至少都要望下間公司再決定, 睇完然後發現果間其實即係convey, 康宏資產管理, 六都係基金呀果類, 我年幾之前其實都有見過佢地agent傾買基金, 終於都無買, anyway總之份工就同保險sales差唔多, 無可能係我杯茶, 我寧可做保險可能仲賺! 咁我今朝好聲好氣好好交帶打電話去回覆間head hunt講話我真係無興趣我唔會去見, 點知對方竟然喪惡咁鬧我然後cut我線!! ~ 咩事呀! 我唔知佢發咩癲! 佢又唔係我個客又唔係我老闆, 我唔知佢到底有咩資格鬧我! 再加上我根本唔知佢如何得到我份cv, 我懷疑係我搵工時send過去佢地經手的公司/工作vacancy, 又或者佢係post vacancy厄左我份cv! 我當然唔忿氣打電話去想問個究竟, 佢又再cut我線咯!

如果我返工比人片比客鬧我都叫做因為打工無計要忍要吞, 但我家下係屋企搵工都唔知犯咩罪點解要咁樣一早比人鬧到貓血淋頭!

在此我要公開該名變態惡婆公司+手提電話, 各位如果有咩唔高興有咩壓力想搵人鬧, 請隨時 (最好半夜) 致電6685 3599 / 2520 5699講粗口發洩!