無論你家守衛有幾深嚴,都總有曱甴能避過紅外線肆無忌憚闖入屋,混亂原本寧靜的家居,搞得我措手不及。昨晚約10時30分,一頭巨型小強來訪/襲,突然在廚房出沒,手無寸鐵的我都唔知點算好,除了急電召阿媽快啲返之外,全無對策,超慌!

可惜我媽正在開會中,結果,我把上次買回來放鞋櫃有驅虫成份的吸濕丸丸統統搜來,密鋪廚房門,但求甲由大哥知難而退(同時祈求佢唔識飛),果然揍效!甲大哥索了K似的,爬了兩步過來又退回原處!

對峙了個幾小時,於零晨12時許,勇於捉甲由的阿媽終於飛的趕回,花了不多於30秒就生擒巨獸...佩服!

等待救援途中,曾經考慮過搵隔離屋幫手,不過我同鄰居沒兩句...諗過不如找看更哥哥,什至乎想報警...別說我誇張,除非真有異形,否則世上最可怕的非甲由莫屬。試問甲由與鬼,你驚邊樣多啲?

至於我家小貓,基本上活在完全不知情的天真世界裡,除了給我的尖叫聲和呼救聲嚇親少少之外。。。

難以理解上一代如何可以淘手生擒甲由,恐怕我還是無法搬出來一個人住,不管樓價高企與否,夠錢給你買樓又點?夠膽捉曱甴才現實!兩口子總要有個人企出來面對恐懼,除非打算請來賓賓專門救命順便打掃,現強烈要求工聯會開辦捉曱甴課程,為一眾嬌生慣養的八十前後訓練求生技能。

特別鳴謝熊先生,居然從一頭曱甴患難見真情!雖然沒有飛的來拯救一人一貓,但至少在我最傍惶的時候沒有收線早抖,謝啊~