這個「浮誇」,實在睇到我毛管都棟埋!與一眾韓星相比,一身平凡裝束站在台中央雙腳幾乎痴實個地,得正正響度,除了開口唱之外真係乜都唔駛做,而且其實eason都算幾唔高而個樣又只係順眼的artiste,竟然如此壓台如此震撼,不得不叫聲:神啊∼

由於我不是泡菜迷,個樣又唔襯韓妝,體質也不夠「韓」底,恕我對K pop認識真是很膚淺。由細到大都聽Canto pop的我,總覺得本地歌手也不是這麼不濟,eason的天時地利人和兼實力非人人可以有,不過唱得跳得看得的人倒不缺,缺的是電台電視台創作人還有意念和點子,想有發揮的機會真是看命了。

聽聞這個MAMA show綵排都做了三整日,這個肯定香港本地頒獎禮辦不到,分分鐘都係錢,每人分到15分鐘踩踩台板都已經偷笑!怪不得有錢有質素,即使香港幾多人材天材都真係靠自己算了。